Haqqımızda

GİDROMAŞ SERVİS QSC

1994-cü il oktyabr ayının 31-də təşəkkül tapmış “Gidromaşservis” Qapalı Səhmdar Cəmiyyəti bu gün, artıq, tikinti-quraşdırma işlərinin geniş spektrinə malik olmaqla yanaşı məişət texnikasının, istilik sistemlərinin, mebel və santexnikası məhsullarının satışını təşkil edən, müasir, inkişaf etmiş struktur kimi fəaliyyət göstərir. Ötən müddət ərzində özünü etibarlı tərəfdaş və məsuliyyətli icraçı kimi göstərməklə, şirkət respublika inşaat kompleksində layiqli yerlərdən birini tutmuşdur.
Səhmdar cəmiyyətin tikinti-quraşdırma işlərini yerinə yetirmək üçün güclü və müasir maddi-texniki bazası formalaşmışdır. Belə ki, cəmiyyətin çoxlu miqdarda minik, yük avtonəqliyyatı, inşaat texnikası və mexanizmləri vardır. Eyni zamanda mebel, dəmir və daş sexlərində tikinti-quraşdırma işləri üçün konstruksiyaları, qapı-pəncərə, döşəmə taxtaları və s. istehsal olunur. Layihə və smeta sənədlərinin hazırlanmasında da cəmiyyətin geniş imkanları vardır. Bütün bunlar imkan verir ki, “Gidromaşservis” QSC respublikada və respublikadan kənarda istənilən tikinti-quraşdırma işlərini yüksək keyfiyyətlə və münasib qiymətlərlə həyata keçirsin.
Odur ki, “Gidromaşservis” QSC “Meliorasiya və Su Təsərrüfatı” ASC, “Azərsu” ASC, Məcburi Köçkünlərin Sosial İnkişaf Fondu (MKSİF) və çoxlu sayda digər şirkətlərlə respublika əhəmiyyətli bir çox layihələri uğurla yerinə yetirmişdir.
Beynəlxalq ekspertlərin əhatəli araşdırmaları nəticəsində “Gidromaşservis” QSC-nin fəaliyyəti dünyanın məşhur firmaları ilə bir sırada 9001:2008 Beynəlxalq Keyfiyyəti İdarəetmə Standartının sertifikatına layiq görülmüşdür.